Ցավոք սրտի, հաճախ ենք տեսնում մեքենաների վարորդների, ովքեր մեքենան վարում են այնպես, ինչպես կվարեին «Need for Speed» կամ «GTA» հանրահայտ համակարգչային խաղերում… Այլ կերպ ասած, առանց անվտանգության կամ երթեւեկության որեւէ կանոնի պահպանման։ Բնականաբար, հաճախ մեքենայի նմանօրինակ վարումը ավարտվում է ցայտաղբյուրով։
Ընդ որում, ոչ միշտ է, որ նման կերպ մեքենա վարողները թանկանոց մեքենայով օլիգարխի կամ նախարարի երեխա են… Պատահում են նաեւ շարքային «բեսպրեդելշչիկներ»՝ շարքային մեքենաներով, ովքեր պարզապես ուզում են ցույց տան, թե ինչ լավ տղա են, կամ, ասենք, շտապում են եւ դրա հաշվին աչք են փակում անվտանգության կանոնների վրա։
Սակայն, բնականաբար, ինչպես այլ ոլորտներում, այնպես էլ ճանապարհային երթեւեկությունում, օրենք բռնաբարողների առյուծի բաժինը հենց թանկանոց մեքենաների ղեկին նստած արտոնյալներն են, քանի որ իրենք, անգամ տուգանվելու դեպքում, կարող են հանգիստ այդ տուգանքը մուծել։
Ընդ որում, քանի որ այդ արտոնյալների վարած մեքենաները պինդ ու ապահով են, հաճախ վթարների արդյունքում իրենք շատ ավելի քիչ են տուժում, քան իրենց ճանապարհին ընկած այլ մեքենաներ ու անցորդներ։
Կարդացեք նաև
Մենք բազմիցս ենք գրել, որ հաճախ արտոնյալ «բեսպրեդելշչիկները» կարողանում են խուսափել պատասխանատվությունից, օրինակ՝ կեղծ համարանիշներ մեքենային դնելու միջոցով կամ ճանապարհային ոստիկանության տեսուչի հետ լեզու գտնելով։
Մեր մշտական ընթերցողին արդեն հայտնի են «բեսպրեդելշիկների» դեմ պայքարի միջազգային փորձը։ Դրա համար պետք է խստացնել պատասխանատվությունը այն վարորդների համար, ովքեր հաճախ են խախտումներ կատարում (ընդհուպ մինչեւ վարորդականից զրկում), ինչպես նաեւ տուգանքների չափերը կապել սոցիալական վիճակի հետ ու հարուստներին նույն արարքի համար տուգանել ավելի շատ, քան աղքատներին (մեխանիզմների մասին էլ արդեն գրել ենք եւ բերել ենք տուգանքի չափը մեքենայի մաքսային արժեքի հետ կապելու օրինակը): ՚
Դանիել ԻՈԱՆՆԻՍՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
