Հայաստանում սահմանադրական բարեփոխումներ անցկացնելու նպատակը «մայդանն է», որպեսզի երկիրն ամբողջությամբ անցնի եվրոպական քաղաքակիրթ համակարգի: Այս կարծիքը, «EADaily»-ի հետ զրույցում, հայտնել է քաղաքագետ Էդուարդ Մամիկոնյանը:
Այս կարծիքը քաղաքագետը բացատրել է այն սկզբունքներով, որոնք ընկած են իշխանության նախաձեռնած բարեփոխումների հիմքում. «Ինքնիշխանությունից հրաժարում, սոցիալ-դարվինիզմ, որը մարդուն զրկում է բոլոր ազատություններից, օլիգարխիկ համակարգի ամրապնդում»:
Բարեփոխումներն իրականացնելու Հայաստանի իշխանությունների նկատելի շտապողականությունը, ըստ Մամիկոնյանի, կապված է Եվրասիական տնտեսական միություն մտնելու հետ: Նրա կարծիքով՝ Երեւանի վրա զգալի ճնշում է գործադրում Եվրոպան: Քաղաքագետը նկատել է, որ նոր սահմանադրության հենց առաջին տողերում երեւում է եվրոպական համակարգին անցնելու ձգտումը:
Էդուարդ Մամիկոնյանը վստահ է, որ բարեփոխումներն ավելի կվատացնեն իշխանությունների նկատմամբ հասարակության վերաբերմունքը, ինչը կարող է արմատական քայլերի պատճառ դառնալ:
Կարդացեք նաև
Քաղաքագետի կարծիքով՝ նոր սահմանադրությունը հակասում է հայ հասարակության մենթալիտետին, ինչպես նաեւ կա հանրապետության աղքատացման ավելացման վտանգ: Սակայն, ըստ Մամիկոնյանի, կան նաեւ ուժեր, որոնք կպայքարեն բարեփոխումների դեմ:
Պատրաստեց Աշոտ ԻՍՐԱԵԼՅԱՆԸ
Տրամաբանություն ուր ես?: Քեզ կանչող կա:
ոչ մի միտք էսքան ապուշության մեջ:
ոնց էլ հայթայթել եք, այ լրագրող, սրան: Յանի գնացեք ամեն մեկից հարցարույց վերցեք էլի: