Վերաքննիչ քրեական դատարանում նախագահությամբ դատավոր Կարինե Ղազարյանի ավարտվեց Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանի «Armenia Today» կայքի խմբագիր Արգիշտի Կիվիրյանի նկատմամբ կայացրած դատավճռի դեմ վերաքննիչ բողոքի քննությունը:
Օգոստոսի 20-ին դատավոր Կարինե Ղազարյանը հրապարակեց գործով որոշումը: Ըստ որի՝ բեկանեց Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանի դատավճիռը եւ արդարացրեց Արգիշտի Կիվիրյանին:
Հիշեցնենք՝ Արաբկիր եւ Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը սույն թվականի հունիսի 8-ին Արգիշտի Կիվիրյանին մեղավոր էր ճանաչել ոստիկանության նկատմամբ ոչ վտանգավոր բռնություն գործադրելու քրեական գործով: Կիվիրյանը դատապարտվել էր 400 հազար դրամ տուգանքի:
Ամի ՉԻՉԱԿՅԱՆ
