Այսօր վարչապետ Հովիկ Աբրահամյանը կառավարության նիստը վարելիս, կարելի է ասել, ճամպրուկային տրամադրությամբ էր, նիստի օրակարգը զեկուցող պաշտոնյաները խոսքը դեռ չավարտած, վարչապետը հարցնում էր՝ հարցեր կա՞ն, եւ անմիջապես ասում՝ չկան, հաստատեք: Վարչապետն արագ-արագ անցնում էր օրակարգի հարցերի վրայով ու ինքն էլ աշխատում էր շատ հարցեր չտալ:
Վարչապետի տեմպից նախարարներն ու նրանց տեղակալները, նույնպես արագ-արագ էին հարցը զեկուցում: 21 հարցից բաղկացած օրակարգն այսօր տեւեց 20-25 րոպե:
Վարչապետի շտապողականության պատճառը, հավանաբար, արձակուրդ մեկնելն էր: Կառավարության հաջորդ նիստը, ըստ որոշ տեղեկությունների, կլինի հաջորդ ուրբաթ օրը, երբ վարչապետն արձակուրդից վերադարձած կլինի:
Լուսինե ԲՈՒԴԱՂՅԱՆ
