Եվս երեք-չորս օր, մեր հանրապետության տարածքում ջերմաստիճանը զգալիորեն կնվազի։
Ինչպես հայտնեց ՏԿԱԻՆ Հիդրոմետ ծառայության Օդերեւութաբանության կենտրոնի պետի տեղակալ Գագիկ Սուրենյանը, օգոստոսի 21-22-ին մեր երկրի տարածքում ջերմաստիճանը 5-6 աստիճանով կնվազի: Հյուսիս-արեւմուտքից հանրապետության տարածք կներթափանցեն ցուրտ օդային զանգվածներ, եւ մայրաքաղաքում օդի ջերմաստիճանը չի գերազանցի +33…+34 աստիճանը։
Արդեն երեկվանից ջերմաստիճանը, բացառությամբ Մեղրիի, նվազել էր։ Երեւանում +38 էր, Գյումրիում՝ +31, իսկ Մեղրիում գրանցվել է +41,3: Լոռիում եւ Շիրակում անձրեւ է տեղացել։
Այսօր, ինչպես նաեւ օգոստոսի 21-ին եւ 22-ին հյուսիսային շրջաններում սպասվում է կարճատեւ անձրեւ եւ ամպրոպ։ Ամսի 19-20-ին ջերմաստիճանը կրկին կբարձրանա մինչեւ +40, որից հետո կնվազի։ Այսօր Երեւանում կանխատեսվում է +38 աստիճան։
Կարդացեք նաև
Բացի նրանից, որ այս ամառ գրանցվեց ամենատեւական շոգը վերջին 170 տարիների ընթացքում, հետաքրքիր այլ համեմատականներ էլ կան։ Օրինակ, Երեւանում երբեւիցե օգոստոսի 13-16-ին +40 աստիճան չէր գրանցվել, իսկ ահա այս տարին այդ առումով բացառիկ էր։ Օգոստոսի 15-ին Գյումրիում գրանցվել է +37 աստիճան, ինչը հազվադեպ երեւույթ է եւ մոտ՝ բացարձակ առավելագույն ջերմաստիճանին (+38), որը գրանցվել է 1986 թվականի հուլիսին։ Վանաձորում նույնպես հազվադեպ երեւույթ է արձանագրվել, ջերմաստիճանը նախորդ օրերին հասել է +36-ի:
Գագիկ ԱՂԲԱԼՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
