Ռուսաստանի Սվերդլովսկի մարզի ինտերպոլի աշխատակիցները ձերբակալել են Հայաստանի զինված ուժերի զինծառայողին, որը փախել էր ծառայության վայրից: Այս տեղեկությունն, ըստ «Pravdaurfo»-ի, հայտնել է Ուրալի շրջանի տրանսպորտի դատախազության մամուլի ծառայությունը:
«Ձերբակալվել է Հայաստանի Հանրապետության 31-ամյա քաղաքացի: Նա Հայաստանի զինված ուժերի սպա է եւ գտնվում է միջազգային հետախուզման մեջ, քանի որ մեղադրվում է Հայաստանի քրեական օրենսգրքի 361 հոդվածի 3-րդ եւ 4-րդ հոդվածներով (Զորամասը կամ ծառայության վայրն ինքնակամ թողնելը)»,- ասվում է հաղորդագրությունում:
Նշված է, որ հետախուզման մեջ գտնվող ՀՀ ԶՈՒ զորամասերից մեկի դասակի հրամանատարը դեռ 2011 թվականի հունվարին ինքնակամ լքել է զորամասը եւ ծառայության չի ներկայացել 3 ամսից ավելի: Այդ պատճառով ռազմական ոստիկանությունը նրա նկատմամբ հետախուզում է հայտարարել:
Սվերդլովսկի տրանսպորտի նախարարության միջնորդագրի հիման վրա Եկատերինբուրգի Օկտյաբրսկի շրջանային դատարանը մեղադրյալին կալանքի տակ վերցնելու որոշում է կայացրել:
Կարդացեք նաև
Նյութերը ուղարկվել են Ռուսաստանի Դաշնության գլխավոր դատախազություն, որպեսզի քննարկվի մեղադրյալին Հայաստանին հանձնելու հարցը:
Պատրաստեց Աշոտ ԻՍՐԱԵԼՅԱՆԸ
