Weather.am կայքը տեղեկացնում է՝ արևադարձային տաք հոսանքների ազդեցության հետևանքով օգոստոսի 14-ից 16-ն ամենուրեք առանց տեղումների, զգալի շոգ եղանակ կդիտվի:
Միայն երեկոյան ժամերին տեղ-տեղ հնարավոր է ամպամածության ավելացում և քամու ուժգնացում` սաստիկ պոռթկումներով մինչև 18-23 մ/վրկ արագությամբ:
Օդի ջերմաստիճանն օգոստոսի 14-ին լեռներում ցերեկը կդիտվի +29+34, հանրապետության հովտային շրջաններում ստվերում կդիտվի մոտ +37+40:
Բարձր կարգի հրդեհավտանգ իրավիճակը պահպանվում է:
Հովտային շրջանների բնակիչներին խորհուրդ է տրվում ցերեկային ժամերին արևի տակ չգտնվել, կրել բաց գույնի բամբակե հագուստ, խմել սովորականից շատ հասարակ, ոչ-գազավորված ջուր, սահմանափակել ֆիզիկական աշխատանքը:
Օգոստոսի 14-ից 17-ը Երեւանում կդիտվի արևային, առանց տեղումների եղանակ: Այս օրերին երեկոյան հավանական է քամի պոռթկումներով 12-15մ/վրկ: Օդի ջերմաստիճանը գիշերը +20+23, ցերեկն ստվերում +37+40, երեկոյան +30+32:
Անհրաժեշտ է պատսպարվել արևի ուղիղ ճառագայթներից, կրել բայց երանգների, բամբակե հագուստ: Ցերեկը պարտադիր է կրել արևից պաշտպանող գլխարկ:
