Կառավարության նիստի սկզբում այսօր ՀՀ վարչապետ Հովիկ Աբրահամյանը հայտարարեց, որ Իրան-Հայաստան բարձրավոլտ 3-րդ գծի կառուցման երկկողմ պայմանագիր է ստորագրվել: Ըստ վարչապետի՝ պայմանագիրը ստորագրվել է օրերս, եւ աշխատանքները կսկսվեն հաջորդ շաբաթ: Հովիկ Աբրահամյանը վստահեցրեց, որ երկու երկրների միջեւ համագործակցությունը, հատկապես էներգետիկ ոլորտում, կնպաստի ապրանքաշրջանառության ծավալների աճին:
Հ. Աբրահամյանը նշեց, որ ՀՀ-ն ողջունում է Իրանի միջուկային ծրագրի շուրջ միջազգային հանրության հետ ձեռք բերված համաձայնությունը, ինչը կնպաստի տարածաշրջանում խաղաղությանը: Նրա խոսքերով, Իրանը Հայաստանի համար հուսալի եւ կարեւոր երկիր է, իսկ մեր ժողովուրդները դարերի պատմութուն ունեն. «Ես լիահույս եմ, որ նոր ճաապարհներ են ուրվագծվել տնտեական հարաբերությունները նոր մակարդակի հասցնելու համար, եւ մենք ջանք չենք խնայելու»:
Լուսինե ԲՈՒԴԱՂՅԱՆ
