Քաղաքացիական ակտիվիստ Վարդգես Գասպարին չի հիշում, թե քանի վարչական տույժ ունի: Հիշեցնենք, որ նա այսօր տուգանվեց հիսուն հազար դրամով՝ ոստիկանի օրինական պահանջը չկատարելու համար:
Նրա խոսքով, մինչեւ հիմա ոստիկանության որեւէ հայց չկա իր դեմ, որը դատարանը բավարարած չլինի. «Դատարանները ոստիկանության ստորաբաժանումներ են, ոստիկանների գործընկերները, այլ բան ակնկալել հնարավոր չէ: Դատավոր Ռոբերտ Սարգսյանը, որը ոստիկանության երկու հայց չբավարարեց, աշխատանքից հեռացվեց: Սա օրինաչափ է»:
Պարն Գասպարին ասաց, որ ինքը չի վճարում իր վարչական տուգանքները, բայց դրանք գանձվում են իր հաշիվներից:
Արփինե ՍԻՄՈՆՅԱՆ
