Ստամբուլի Քարթալ շրջանում 2 տարի տեւած վերականգնողական աշխատանքներից հետո օրերս վերաբացվել է Սուրբ Նշան հին հայկական եկեղեցին: Հայկական համայնքի ղեկավարները եւ տեղի պաշտոնյաները մասնակցել են եկեղեցու բացման արարողությանը: «Daily Sabah»-ը նշել է, որ եկեղեցու վերակառուցումը ֆինանսավորել է Քարթալի համայնքապետարանը եւ մի շարք հասարակական կազմակերպություններ:
Պոլսո պատրիարքարանի առաջնորդի փոխանորդ Արամ Աթեշյանը եկեղեցու վերաբացման առնչությամբ կրոնական արարողություն է կատարել: Աթեշյանը շնորհակալություն է հայտնել Քարթալի համայնքապետարանին աջակցության համար. «Այլ մարդկանց պաշտամունքի վայրերը հարգելը, տարբեր ժողովուրդների հավատքների հարգանքի հիմքն է»:
Եկեղեցին որպես փայտե կառույց ստեղծվել է 1776 թվականին Քարթալում: Այդ շրջանում Օսմանյան կայսրության տարիներին հայեր են ապրել: 19-րդ դարում եկեղեցին վերակառուցվել է եւ դարձել է քարե շինություն ու երկու անգամ վերանորոգվել է 20-րդ դարում:
Պատրաստեց Աշոտ ԻՍՐԱԵԼՅԱՆԸ
Կարդացեք նաև
