«Արցախում բնակության երկու ամիսների ընթացքում ոչ մի տեսանկարահանող սարք չեմ տեսել: Ընդ որում, գողություն ու խուլիգանություն ընդհանրապես չկա: Ե՛վ տները, ե՛ւ մեքենաները բաց են: Երեխաները խաղում են, որտեղ ասես եւ երբ ասես, ու ոչ ոք չի մտածում, որ նրանց կարող են առեւանգել»,- այս գրառումը «Վկոնտակտե» սոցիալական ցանցի իր էջում կատարել է Լեռնային Ղարաբաղում բնակություն հաստատած ռուս գործարար Գերման Ստերլիգովը:
Նա նշել է, թե Լեռնային Ղարաբաղում անզեն աչքով տեսանելի է, որ իրականում ոչ մի փոխադարձ կապ չկա տեսախցիկների առկայության եւ հանցավորության մակարդակի միջեւ. «Միլիոնավոր տեսախցիկներ են անհրաժեշտ այլ բանի համար: Էհ, լավ է լինել չճանաչված հանրապետություն. պետք չէ օրուգիշեր հետեւել ու գաղտնալսել սեփական բնակչությանը»:
Ստերլիգովը նաեւ գրել է, որ պաշտոնական Բաքվին դուր չի գալիս, որ ինքը գովում է Ղարաբաղը. «Դրա համար իմ նկատմամբ նույնիսկ միջազգային հետախուզում հայտարարեցին: Ես կյանքումս մեկ անգամ եւ մեկ օրով եմ եղել Բաքվում: Այդ մեկ օրը բավական էր, որ ինձ թալանեին, եւ ես մնայի առանց գումարի ու իրերի: Իսկ Ղարաբաղում ընդհանրապես գողություն չկա: Եվ ի՞նչ եք կարծում, որտե՞ղ է ամենից շատ ինձ դուր եկել»:
Պատրաստեց Աշոտ ԻՍՐԱԵԼՅԱՆԸ
Որքան ալ գովէ եւ գնահատէ մեզ,այս անձը հարցական խորհրդաւոր կէտ մը ունի որ մութ է ինձ համար։