Իրանը եւ Հայաստանը երեկ Թեհրանում ստորագրել են 3-րդ բարձրավոլտ էլեկտրագծի կառուցման նոր պայմանագիրը: Այն ստորագրել են Իրանի արտահանման զարգացման բանկի գործադիր տնօրեն Ալի Սալեհաբադին եւ «Բարձրավոլտ էլեկտրացանցեր» ընկերության գլխավոր տնօրեն Արամ Անանյանը: Այս տեղեկությունը հաղորդել է «Iran Daily»-ն:
Պայմանագրի համաձայն՝ իրանական կողմը կտրամադրի ծրագրի ֆինանսավորման համար նախատեսված 117,6 միլիոն դոլար գումարի մի մասը՝ 90,5 միլիոն դոլարը: Շինարարական աշխատանքները պետք է ավարտվեն 18 ամսվա ընթացքում: Նոր էլեկտրագծի շնորհիվ Հայաստանի եւ Իրանի միջեւ էլեկտրաէներգիայի փոխանակումը ներկայիս 300 մեգավատից կհասնի մինչեւ 1000 մեգավատ:
Պայմանագրի ստորագրման արարողությունից հետո «Բարձրավոլտ էլեկտրացանցեր» ընկերության գլխավոր տնօրեն Արամ Անանյանը նշել է, որ հայ-իրանական 3-րդ էլեկտրագիծը նաեւ կմիանա Հայաստանի, Վրաստանի, Ռուսաստանի եւ Թուրքիայի էներգետիկ համակարգերին եւ ավելացրել. «3-րդ էլեկտրագիծը հնարավոր կդարձնի, որ Իրանի էներգետիկ համակարգերը Վրաստանի եւ Հայաստանի միջոցով միանան Թուրքիայի էներգետիկ համակարգին»:
Պատրաստեց Աշոտ ԻՍՐԱԵԼՅԱՆԸ
Կարդացեք նաև
