Քաղավիացիայի ղեկավար Արտյոմ Մովսեսյանը վստահեցնում է՝ գնում են, բայց էլի գալու են
Քաղաքացիական ավիացիայի ղեկավար Արտյոմ Մովսեսյանը հիմարություն է համարում այն մեղադրանքները, ըստ որոնց, միջազգային ավիափոխադրողները իրար հետեւից հեռանում են Հայաստանից այն պատճառով, որ հայկական կողմը «փայ է» մտնում:
Հիշեցնենք, որ օրերս Aravot.am-ի աղբյուրները վստահեցրել էին, որ հայկական կողմը պարտադիր կերպով ավիաընկերությունների բիզնեսում «փայ» է մտնում, այն էլ ոչ թե 5 կամ 10 տոկոս, այլ մեծ մասնաբաժիններ, որից հիասթափվելով էլ ավիաընկերությունները լքում են մեր երկիրը` չցանկանալով եկամուտների այդքան բաժինը հենց այնպես կիսվել:
Իսկ թե ո՞րն է իրական պատճառը, որ բաց երկնքի քաղաքականության առկայության դեպքում էլ միջազգային ընկերությունները չեն կարողանում Հայաստանում աշխատել, այս հարցին Մովսեսյանն ասաց. «Մեկը հեռանում է, ասում՝ 6 ամիս հետո հետ եմ գալու, մեկ ուրիշն էլ ասում է՝ դուրս եմ գալիս, վերակազմավորում եմ կատարում, 3 ամիս հետո կգամ»:
Կարդացեք նաև
Մովսեսյանի բացատրությունների մանրամասները՝ տեսանյութում:
Հարցին էլ՝ ի՞նչն է տեղական ավիաընկերության՝ «Էյր Արմենիայի» շուկայից դուրս գալու պատճառը, քաղավիացիայի ղեկավարն ասաց՝ «Տնտեսապես չկարողացավ մրցակից լինել, բավարար ֆինանսական բազա չունեցավ: Յուրաքանչյուր բիզնես ունի իր արժեքը»: Այդ դեպքում, գուցե պետական աջակցությամբ ստեղծվի տեղական ընկերություն, պետությունն այդ հարցը քննարկո՞ւմ է, Մովսեսյանն ասաց. «Իհարկե, պետությունն ամեն օր է քննարկում: Եթե ձեզ թվում է, որ դուք եք շահագրգռված օդային փոխադրումների էժանացմամբ, չարաչար սխալվում եք»: Մանրամասները՝ տեսանյութում:
Նելլի ԲԱԲԱՅԱՆ
Ինչի՞ եք շարունակաբար սուտ լուրեր տարածում: Նպատակը ո՞րն է:
Ամոթը լավ բան էր, որը լրիվ կորցրել եք:
կոնկրետ ԼՕՏ-ի մասով: 2016 Մայիսին հենց ԼՕՏ-ով Երևան գալու և գնալու տոմսեր եմ առել մեկ շաբաթ առաջ: