Ստամոքսաբորբի` գաստրիտի բուժման համար խորհուրդ է տրվում օգտագործել հետեւյալ դեղամիջոցը. վերցնել կանաչ խնձոր, լվանալ, առանձնացնել կեղեւն ու միջուկը, քերել մանրատամ քերիչով եւ ուտել: Խնձորն ուտելուց 4 ժամ առաջ եւ 4 ժամ հետո ոչինչ չուտել ու չխմել: Ցանկալի է այս դեղամիջոցը ընդունել վաղ առավոտյան, որպեսզի մինչեւ ժամը 11-ը հնարավորություն լինի նախաճաշել:
Գաստրիտով հիվանդին չի կարելի խնձոր ուտել գիշերը, որովհետեւ գազակուտակումների հետեւանքով վիճակը կվատանա:
Բուժամիջոցը օգտագործվում է հետեւյալ կերպ. առաջին ամիսը` ամեն օր, երկրորդ ամիսը` շաբաթը 2-3 անգամ, իսկ երրորդ ամիսը` յուրաքանչյուր շաբաթ: Բուժման ընթացքում անհրաժեշտ է պահպանել սննդակարգը եւ չօգտագործել կաթ, ճարպ, աղի, կծու կերակուրներ, թունդ թեյ, սուրճ, թարմ հաց ու զանազան գրգռիչ համեմունքներ: Ստամոքսի թթվայնությունը իջեցնելու համար անհրաժեշտ է ընդունել թարմ պատրաստած գազարի հյութ` քաղցած վիճակում, օրը 1 անգամ, կես-կես բաժակ: Իսկ այրոցը կարող եք վերացնել` գիշերվա ժամերին օգտագործելով մեղր:
Կարդացեք նաև
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ» օրաթերթ
05.08.2015
