Այսօր «Անալիտիկ» ակումբում ռազմահայրենասիրական քարոզչության եւ ադրբեջանական ապատեղեկատվության մեխանիզմների մասին խոսելիս կինոռեժիսոր Արշակ Զաքարյանը կոչ արեց լրատվամիջոցներին, Գագիկ Շամշյանին, որ միայն վատը, մահերը, դժբախտ պատահարներն ու արյունը չլուսաբանեն:
Նա անդրադարձավ երկու օր աաջ Կիեւյան կամրջից ինքնասպանության փորձ կատարած 30-ամյա կնոջ դեպքին. «Ինքնասպանություն լուսաբանելը բերում է նոր ինքնասպանությունների: Երեկ այն կնոջ մասին, որին Վովա Գասպարյանը «սթափվե՛ք»-ով փրկեց, չթողեց, որ քցվի, գիտե՞ք ինչու էր այդ կինը գնացել այնտեղ: Հիշո՞ւմ եք՝ այդ տեղում դրանից առաջ Երիցյանը գնաց փրկեց մի տղայի: Դա շղթայական ռեակցիա է: Սա մտածում է՝ երեւի նրան տարան լավ փող տվեցին, գնամ ես էլ կախվեմ: Ես էլ ասեմ՝ վիճակը վատ է, կախվեմ: Իսկ եթե չկարդային, չլսեին, չիմանային այդ մասին, այդ կինը երեկ երկու երեխաներին չէր վերցնի ու գնար կախվելու: Դուք նրանց հոգեվիճակը պատկերացնո՞ւմ եք՝ իրենց մայրը՝ կամրջից կախված: Էդ կնոջը ես կհրեի ուղղակի, լուրջ եմ ասում: Եթե դու տարել ես քո երեխեքին հասցրել ես այդ վիճակին, ես քեզ կհրեի կգնայի, երեխեքին էլ կպահեի: Չի կարելի նման բաներ լուսաբանել: Նույնը՝ բանակին է վերաբերվում: Հասկացանք, բանակը բաց է այսօր, դեպքերն ասվում է, զոհերը չի թաքցվում, բայց դա չի նշանակում, որ լրատվամիջոցների առանցքը դա պետք է լինի»:
Հռիփսիմե ՋԵԲԵՋՅԱՆ
Կարդացեք նաև
