ՀՀ-ում «Փախստականների կարգավիճակի վերաբերյալ օրենքում» կատարված փոփոխությունները առաջացրել են մի շարք փախստականների մտահոգությունը: Ըստ այդ փոփոխության՝ փախստականների վկայականների ժամկետը նվազեցվել է երկու տարի: Ադրբեջանահայերի ասամբլեայի նախագահ, ադրբեջանագետ Գրիգորի Այվազյանը նշեց, որ դրա պատճառով փախստականները լուրջ խնդիրների առաջ են կանգնում, ստիպված են անընդհատ փաստաթուղթ փոխել, մանավանդ, որ հայերեն անուն ազգանուն չի գրվում:
Նա նշեց, որ դիմել են Հայաստանի միգրացիոն ծառայություն, որտեղ խոստացել են խնդրին լուծում տալ. «Խոստացել են, որ մոտ ժամանակներս նոր փոփոխություններ են պատրաստվում՝ ըստ որոնց փախստականի վկայականի վավերականության ժամկետը երկարաձգվելու է մինչև հինգ տարի՝ արտաքին աշխարհ դուրս գալու համար, իսկ ՀՀ-ում օգտագործվող վկայականը տրվելու է տասը տարով»:
Տաթև ՀԱՐՈՒԹՅՈՒՆՅԱՆ
