Այս լուսանկարներից մեկը վերցրել ենք Դիլիջանի «Վիլլա Ռեսթ» հանգստյան տան ինտերնետային գովազդներից, որոնք տեղադրված են բազմաթիվ կայքերում:
Մյուս լուսանկարը (որի վրա կա «Առավոտի» լոգոն) արել ենք տեղում: Գայթակղվելով գովազդային լուսանկարներով՝ նոր լողազգեստներ էինք գնել: Լողավազանն իրականում տեսնելով՝ պարզ դարձավ, որ լողալու մասին մոռանում ենք: Ընդ որում, հանգստյան տուն մտնելուն պես մեզ աչքալուսանք էին տվել, որ լողավազանը հենց այսօր է լցվել:
Մանկական խաղահրապարակում, ըստ գովազդների, պետք է լիներ ավազե դաշտ, ուստի պատրաստված՝ մանկական բահերով ու փոցխերով, գնացել էինք: Պարզվեց, խոտածածկ տարածք է, պետք է նախ տարածքում «քաղհան» անեինք, որ ավազին հասնեինք:
Պարզ է, որ գնացել հասել ես՝ զուտ լողավազանի կամ ավազե դաշտի համար հանգիստդ չես փչացնի: Բայց եթե չունես լողավազան, ի՞նչ իմաստ ունի գլուխ գովել, երբ իրականությունն ի վերջո բացահայտվելու է:
Հ. ՋԵԲԵՋՅԱՆ
«Առավոտ» օրաթերթ
Կարդացեք նաև
01.08.2015թ.
