Թբիլիսիում Եվրոպական պատանեկան օլիմպիական փառատոնը, ինչպես ասում են, հայաստանցիներիս համար չէր:
Մեր պատանի մարզիկները հանդես եկան վեց մարզաձեւերում՝ թենիս, լող, աթլետիկա, հեծանվային սպորտ, ձյուդո, սպորտային մարմնամարզություն ու ոչ մեկում ի վիճակի չեղան որեւէ մեդալ վաստակել: Մինչեւ այսօր մենք «ապրում» էինք եզրափակիչ փուլ անցած սպորտային մարմնամարզիկներ Արթուր Ավետիսյանի եւ Մհեր Թուդոյանի հետ կապվող հույսերով: Սպասելիքները հատկապես մեծ էին Արթուրից, որը օղակների վրա վարժության որակավորման փուլում ցույց էր տվել լավագույն արդյունքը եւ 1-ին տեղով էր մտել եզրափակիչ: Սակայն միանգամայն անհասկանալի, մեր պատանին հանդես եկավ անհաջող ու ամփոփիչ մրցաշարային աղյուսակում նահանջեց 8-րդ հորիզոնական: Նժույգաթափում նույն ցուցանիշով բավարարվեց նաեւ Մհերը:
Իսկ մինչ այդ, հենց առաջին գոտեմարտից թբիլիսյան տատամիին հրաժեշտ էր տվել ձյուդոիստ Ռոբերտ Կիրակոսյանը:
Աշոտ ՀԱԿՈԲՅԱՆ
