Ինչու են ռուսական ընկերությունները պակասեցրել հարկերի վճարումը. «Ժամանակ»

Հայաստանում գործող ռուսական  ընկերություններն այս տարի կրճատել են իրենց վճարած հարկերը։

Ընդ որում՝ այդ ընկերությունները հիմնականում գտնվում են 1000 խոշոր հարկատուների առաջին հորիզոնականներում։ Ավելին՝ այդ ընկերությունները մեր երկրի ռազմավարական նշանակության օբյեկտներ են եւ գործում են հանրային ծառայությունների ոլորտում։ Այսինքն՝ այդ ընկերությունները ամեն օր առանձին-առանձին մտնում են Հայաստանի յուրաքանչյուր ընտանիք, յուրաքանչյուր քաղաքացու գրպանը։ Մեր երկրի յուրաքանչյուր քաղաքացի անխտիր ամեն օր սպառում է ռուսական այս ընկերությունների ապրանքը կամ ծառայությունը։ Այդ ընկերությունները նաեւ մենաշնորհային դիրք են զբաղեցնում իրենց ոլորտներում։ Ռուսական այդ ընկերությունները համակարգում են մեր երկրի էներգետիկ ու կապի շատ կարեւոր ոլորտները։

Եվ այսպես՝ Հարկային ծառայության հրապարակած խոշոր հարկատուների ցանկում ռուսական «Գազպրոմ Արմենիա» ընկերությունը զբաղեցնում է

առաջին հորիզոնականը 2015թ. առաջին կիսամյակում իր վճարած 24 միլիարդ 616 միլիոն դրամ հարկով։ 2014թ. առաջին կիսամյակում այս ընկերությունը վճարել էր 23 մլրդ 366 մլն դրամ։ Հայաստանի էներգետիկ ոլորտում ռուսական երկրորդ ընկերությունը, որն այս ցանկում զբաղեցնում է երրորդ հորիզոնականը, «Հայաստանի էլեկտրական ցանցեր» ընկերությունն է։ Այն այս տարվա առաջին կիսամյակում վճարել է 8 մլրդ 833 մլն դրամ՝ անցած տարվա 5 մլրդ 477 մլն դրամի փոխարեն։ Ճիշտ է, այս երկու ընկերություններն այս տարի ինչ-որ չափով ավելացրել են իրենց վճարած հարկերը, բայց ՌԴ-ին պատկանող եւ մեր երկրում գործող մի շարք ընկերություններ այս տարի պակասեցրել են իրենց հարկերը։

Կարդացեք նաև

«Զանգեզուրի պղնձամոլիբդենային կոմբինատը պետական բյուջե է փոխանցել 33 մլրդ 249 մլն դրամ՝ որպես ՀՀ շահաբաժին»

• 14:16 19.12.2024

Շուրջ 1,3 մլրդ դրամի ստվերային շրջանառություն. էլեկտրատեխնիկայի առևտրով զբաղվող ընկերությունը ՀԴՄ կտրոն չի տրամադրել՝ խուսափելով հարկեր վճարելուց

• 12:41 05.11.2024

Բացահայտվել է առանձնապես խոշոր չափերով հարկեր չվճարելու դեպք. պետական բյուջե է վերականգնվել ավելի քան 121 միլիոն դրամ

• 13:44 04.11.2024

Բջջային կապի ոլորտում գործող «Արմենիա տելեֆոն կոմպանի» ընկերությունը, որը հայտնի է Beeline ապրանքանիշով, այս տարվա առաջին եռամսյակում վճարել է մոտ 7,7 մլրդ դրամ հարկ, մինչդեռ այդ ընկերությունը անցած տարվա նույն ժամանակաընթացքում վճարել էր մոտ 8,6 մլրդ դրամ՝ մոտ 840 մլն դրամով պակասեցնելով հարկերը։ Բջջային կապի ծառայություն

մատուցող ռուսական մյուս՝ «Ղ-Տելեկոմ» ընկերությունը 2014թ. առաջին ամիսներին վճարել էր 10 մլրդ 239 մլն դրամ, մինչդեռ այս տարի կտրուկ՝ ավելի քան կրկնակի նվազեցնելով հարկերը՝ վճարել է 4,2 մլրդ դրամ։

Իր հարկերը նվազեցրել է նաեւ Հայաստանի երկաթգծի կառավարումն իրականացնող «Հարավկովկասյան երկաթուղի» ընկերությունը՝ 1 մլրդ 844 մլն դրամից հասցնելով 1 մլրդ 765 մլն դրամի:

Ա. ԱՎԵՏՅԱՆ

Հոդվածն ամբողջությամբ կարող եք կարդալ «Ժամանակ» թերթի այսօրվա համարում