Հարցազրույց ՕԵԿ խորհրդարանական խմբակցության քարտուղար ՀՈՎՀԱՆՆԵՍ ՄԱՐԳԱՐՅԱՆԻ հետ
-ՕԵԿ-ը կարեւորում է նաեւ իշխանության թեւերի բալանսավորումը, այս գաղափարը նո՞ւյնպես բացակայում է նախագծում:
-Եթե ուզում ենք, որ մեր երկիրը զարգանա, ուրեմն պետք է, որ երեք թեւերը` օրենսդիրը, նախագահին, կառավարությունը, ուժեղացնենք: Դրա համար այդ երեք թեւերի մեջ պետք է ստեղծենք փոխադարձ զսպումների ու հակակշիռների մեխանիզմ, ամրագրենք նորմեր, որով վարչապետը մեկ սանտիմետր իսկ առաջ չանցնի նախագահից, եւ նախագահը առաջ չանցնի խորհրդարանից: Ամրագրենք նաեւ այս երեք ինստիտուտների լիազորություններն ու պարտականությունները:
Իսկ հիմա ի՞նչ է ստացվում. այս նախագծով նախագահը գրեթե լիազորություններ չունի, կներեք, բայց ոնց որ լինի կառավարության «զոնտիկ» բռնողը, կամ էլ ժիլետի թեւը, իսկ սովորաբար ժիլետը թեւ չի ունենում:
Կարդացեք նաև
Այս նախագիծը հնարավորություն չի տալիս, որ քաղաքական ուժերը իրական դերակատարում ունենան քաղաքական դաշտում: Բացի մեկ քաղաքական ուժից, որը մեծամասնությունն է, մյուսները որեւէ դերակատարում չեն ունենա որոշումների կայացման գործում:
Ուզում եմ հարց ուղղել հանձնաժողովին. եթե հանկարծ այս նախագիծն ընդունվի որպես երկրի հիմնական օրենք, նման սահմանադրությամբ ՀՀ ո՞ր ինստիտուտը` վարչապե՞տը, նախագա՞հը, թե՞ Ազգային ժողովը, ո՞վ է լինելու մեր երկրի քաղաքացիների սահմանադրական իրավունքի երաշխավորը, մեր երկրի ներքին ու արտաքին անվտանգության երաշխավորը:
Պատահական չէ, որ տարբեր երկրների սահմանադրություններում գրված է` պետության գլուխը երաշխավորում է երկրի ներքին եւ արտաքին անվտանգությունը: Մինչդեռ «երաշխավոր» բառ այս նախագծում չեք գտնի:
Ա. ՍԻՄՈՆՅԱՆ
Հարցազրույցն ամբողջությամբ՝ «Հայոց աշխարհ» թերթի այսօրվա համարում
