Սեպտեմբերի 17-19-ը Երեւանում կանցկացվի ջազային փառատոն՝ Yerevan Jazz Fest- 2015: Այն նախաձեռնել են Ջազի հայկական ասոցիացիան եւ «Մեցցո Պրոդաքշն» ընկերությունը: Սեպտեմբերի 17-ին փառատոնը կբացեն Հայաստանի հեռուստատեսության և ռադիոյի պետական էստրադային-սիմֆոնիկ նվագախումբը (գեղարվեստական ղեկավար՝ Երվանդ Երզնկյան), Արցախի ջազ նվագախումբը (գեղարվեստական ղեկավար՝ Տիգրան Լալայան), Նինո Կատամաձեն իր Insight խմբով (Վրաստան), Լորեն Ռոբինը (Ֆրանսիա), Աբրահամ Գումրոյանը (ԱՄՆ), Սերգեյ Մանուկյանը (Ռուսաստան), Արթուր Սաթյանը (Լիբանան), Լևոն Մալխասյանը, Վահագն Հայրապետյանը, Արմեն Թութունջյանն ու Կարեն Մամիկոնյանը:
Սեպտեմբերի 18-ին կկայանա Ռիչարդ Բոնա բենդի համերգը, որ կազմում հանդես կգան Ռիչարդ Բոնան, Էթյեն Ստեդվիկը, Լյուդվիգ Աֆոնսոն, Լի Գրինբլատն ու Ադամ Սթոլերը:
Ինչ վերաբերում է սեպտեմբերի 19-ի երեկոյին, այն կբացի Հայաստանի պետական ջազ նվագախումբը (գեղարվեստական ղեկավար՝ Արմեն Հյուսնունց): Հանդես կգան նաեւ Մարիամ եւ Արմեն Մերաբովները (Ռուսաստան), Էռնա Յուզբաշյանը եւ Հյուբերտ Թաբսը (Ավստրիա):
Գոհար ՀԱԿՈԲՅԱՆ
