Ինչպես հայտնում է news-book.am ինտերնետային կայքը, այսօր կառավարության նիստում խոսելով Տավուշի մարզի Խաշթառակ համայնքի ղեկավար Հայկ Քամալյանի ներկայացրած հրաժարականի մասին՝ ՀՀ վարչապետ Հովիկ Աբրահամյանն ասել է, որ ինքը տեղեկություններ է ունեցել, որ Խաշթառակի գյուղապետին պարտադրել են հրաժարական տալ:
Զանգահարեցինք Խաշթառակ համայնքի ղեկավար Հայկ Քամալյանին, ով այժմ Խաշթառակում է գտնվում: Նա հերքեց ,որ իրեն պարտադրել են հրաժարական տալ, ասելով. «Ծնվածս օրից ինձ ոչ ոք չի կարողացել պարտադրել»: Նրա խոսքերով ինքը վատառողջ է, առողջական խնդիրները լուծելու համար է մեկնելու Վորոնեժ:
Քամալյանի խոսքերով ՝ իր 92 տարեկան մայրը եւս հիվանդ է, իր կինն էլ առաջին կարգի հաշմանդամ է: Նա ասաց, որ ինքը 6 տարի սովորել է Վորոնեժի անտառային ինստիտուտում,ձեռք բերել անտառային ինժեների մասնագիտություն:
Ոսկան ՍԱՐԳՍՅԱՆ
