Աղավնաձորի ընտրությունների համար` 1 միլիոն 123.4 հազար դրամ
Կոտայքի մարզի Աղավնաձոր համայնքի ընտրված ավագանու հինգ անդամներից երեքը դադարեցրել են լիազորությունները, ինչի հետեւանքով կառավարությունը որոշել է այս գյուղում ավագանու արտահերթ ընտրություններ կազմակերպել` պատճառաբանելով, որ ավագանու երկու անդամով անհնարին է դարձել ավագանու նիստերի հետագա անցկացումը:
Այս մասին տեղեկանում ենք կառավարության հինգշաբթի օրվա նիստի օրակարգից: Արտահերթ ընտրությունները կկազմակերպվեն կառավարության որոշումն ուժի մեջ մտնելու օրվա հաջորդող 40-օրյա ժամկետի վերջին կիրակի օրը` գյուղական համայնքի ընտրատարածքում: Այդ նպատակով բյուջեի պահուստային ֆոնդից ֆիննախը Կենտրոնական ընտրական հանձնաժողովին կհատկացնի 1 միլիոն 123.4 հազար դրամ:
Նոր ընտրություններով պայմանավորված, «Տեղական ինքնակառավարման մասին» ՀՀ օրենքի 22-րդ հոդվածի համաձայն՝ համայնքի ավագանու մյուս` երկու անդամները, նույնպես կդադարեցնեն իրենց լիազորությունները:
Կարդացեք նաև
Լուսինե ԲՈՒԴԱՂՅԱՆ
