Այսօր Կոռուպցիայի դեմ պայքարի խորհրդի նիստին, որը վարում է ՀՀ վարչապետ Հովիկ Աբրահամյանը, ընդդիմադիր հատվածից ներկա էր միայն ԱԺ ԲՀԿ խմբակցության պատգամավոր Վահան Բաբայանը, մինչդեռ վարչապետն ասաց, որ բոլոր ընդդիմադիր ուժերին հրավիրել են եւ առաջարկել մասնակից լինել որպես խորհրդի անդամ, բայց նրանք հրաժարվել են:
Հովիկ Աբրահամյանն առաջարկել է, այնուամենայնիվ, ներկա լինել այս քննարկմանը եւ իրենց նպաստն ու ներդրումն ունենալ այս եւ հետագա աշխատանքներում:
Վարչապետի խոսքերով, կոռուպցիայի դեմ պայքարը լինելու է նոր հարթակ, որտեղ իրենք «ամենայն լրջությամբ քայլեր են ձեռնարկելու. «Կամք եւ վճռականություն ամենօրյա աշխատանքում քայլ առ քայլ գնալ առաջ»:
Կոռուպցիայի դեմ պայքարի խորհրդի նիստի օրակարգում քննարկվելու է տասը հարց:
Առաջին հարցը հակակոռուպցիոն ռազմավարության ընդունումն է, այսօր նիստում կհաստատեն ԱՄՆ ՄԶԳ-ի հետ համաձայնագիր կնքելու նախնական տարբերակը:
Ռազմավարությամբ նախատեսված է նաեւ Հանրային ծառայողի մասին օրենքում փոփոխություն կատարել:
Կարդացեք նաև
Լուսինե ԲՈՒԴԱՂՅԱՆ
