Հարցազրույց ՀՀԿ խորհրդարանական խմբակցության անդամ ՇԻՐԱԿ ԹՈՐՈՍՅԱՆԻ հետ
-Ձեր խոսքում շեշտեցիք հայկական մենթալիտետի մասին՝ ելնելով մեր տեսակից։ Ի՞նչ եք կարծում՝ կառավարման ո՞ր մոդելը կարող է մեզ համար լինել նախընտրելի` նախագահակա՞նը, կիսանախագահակա՞նը, թե՞ խորհրդարանականը:
-Մենք մեր քաղաքական մտածողությամբ ավելի շուտ խորհրդարանական մոդելի կողմնակիցներ ենք` մեզանից անկախ, օբյեկտիվ պատճառներով: Ինչո՞ւ, որովհետեւ հայ մարդը ունի ինքնատիպության, ինքնասիրության բարձր զգացողություն, առաջինը լինելու մեծ ձգտում` դրական առումով: Եվ պատահական չէ, որ հաճախ կեսկատակ-կեսլուրջ ասում ենք` Հայաստանում ամեն օր 3 միլիոն Նապոլեոն է արթնանում: Մեզանից յուրաքանչյուրն ուզում է լինել առաջինը, որոշողը, կարգադրողը: Դա մեր տեսակի մեջ կա:
Իսկ այժմ փոքր-ինչ հետ գնանք, դառնանք պատմությանը: 1918-20թթ. Առաջին Հանրապետությունը եղել է խորհրդարանական։
Կարդացեք նաև
Խորհրդային Հայաստանը եւս եղել է դասական տիպի խորհրդարանական համակարգի հանրապետություն: Գերագույն խորհուրդը խորհրդարանն էր, որի ներկայացուցիչը կառավարության ղեկավարն էր, այսինքն` Մինիստրների սովետի նախագահը:
ԽՍՀՄ փլուզումից հետո մուտք գործեցինք նոր` Երրորդ Հանրապետության դարաշրջան, որն իր առաջին օրերին եւս եղել է խորհրդարանական հանրապետություն: Հիշենք` Լ.Տեր-Պետրոսյանը Գերագույն խորհրդի նախագահ էր որպես պետության ղեկավար: Եվ միայն 1991-ին նախագահական ընտրություններից հետո Հայաստանը դարձավ կիսանախագահական հանրապետություն, որը ամրագրվեց 1995-ի հուլիսի 5-ի սահմանադրությամբ:
Արմինե ՍԻՄՈՆՅԱՆ
Հարցազրույցն ամբողջությամբ՝ «Հայոց աշխարհ» թերթի այսօրվա համարում
