«Տարօրինակ է, որ այս պահին են այդ հարցի վրա ուշադրություն դարձրել։ Հավանաբար մտածում են, թե եթե Հայաստանում քաղաքական կամ տնտեսական խնդիր լինի, հայկական կողմն այդ հարցում որեւէ ավանտյուրայի կդիմի»,- ասաց տնտեսագետ Սամսոն Ավետյանը՝ անդրադառնալով Fitch վարկանիշային գործակալության այն նախազգուշացմանը, թե Հայաստանի աշխարհաքաղաքական միջավայրը նրա տնտեսության համար խոչընդոտ է հանդիսանում։
«ԼՂ համար լատենտ հակամարտությունն Ադրբեջանի հետ ներառում է լայնամասշտաբ հակամարտության վերածման ռիսկ։ Կարճաժամկետ հեռանկարում որեւէ լուծում չի սպասվում»,- նշվում է Fitch-ի տարածած հաղորդագրության մեջ։
Արդյոք գործակալության նման հրապարակումը Հայաստանի՝ Եվրասիական տնտեսական միությանն անդամակցելու հետեւանքը չէ՞։ Ս. Ավետյանը ԼՂՀ հակամարտության հետ կապված վերը հիշատակումը չէ, որ կապում է ԵՏՄ-ի հետ։ «Այլ բան է, որ արտահայտած մտքերի արդյունքում Հայաստանի խնդիրն այլ տեսանկյունից է ներկայացվում։ ՀՀ-ն արտահանման դեֆիցիտ ունի, եւ իր վարկերը ֆինանսավորվում են Արեւմուտքից։ Եվ Արեւմուտքը, երբ տեսնում է, որ ՀՀ-ն այլ կողմնորոշում ունի, գուցե մտածում է՝ մեր երկրին նորից ֆինանսավորելը դժվար կլինի։ Գուցե նաեւ մտահոգություն ունի, որ նույն ֆինանսավորումն ավելի դժվար կլինի ստանալ ԵՏՄ-ից»,- ասաց տնտեսագետը։
Ա. ԱՎԵՏՅԱՆ
Կարդացեք նաև
Հոդվածն ամբողջությամբ կարող եք կարդալ «Ժամանակ» թերթի այսօրվա համարում
