«Եզդիների ազգային կոմիտե» ՀԿ փոխնախագահ Սաշիկ Սուլթանյանի փոխանցմամբ՝ եզդի փախստականների ճամբարում օրական 5-6 մարդ է սպանվում:
«Եզդի փախստականների ճամբարները գտնվում են այնպիսի վայրերում, որտեղ նրանց ֆիզիկական գոյությունը հարցականի տակ է, ինչպես, օրինակ, Թուրքիայում, որտեղ փորձում են ազատվել եզդի փախստականներից: Մարդիկ ոչ միայն ցեղասպանվում են, այլև հայրենազրկվում: Եվ դա միայն ազգային ու կրոնական պատկանելության պատճառով»,- այսօր լրագրողների հետ հանդիպման ժամանակ ասաց Ս. Սուլթանյանը։
Այս հարցում բավականին անհասկանալի է միջազգային հանրության, գերտերությունների վերաբերմունքը. «Այժմ Սինջարում գտնվում են «Իսլամական պետության» ոչ լավ պատրաստված մի քանի հարյուր զինյալներ: Այսինքն՝ գերտերությունները ցանկության դեպքում կարող են հեշտությամբ ազատագրել Սինջարը, մարդկանց մի փոքր օգնություն տրամադրել, որպեսզի նրանք վերադառնան իրենց տարածք»,- ասաց նա՝ հավելելով, որ 4000 եզդի կանայք ու աղջիկներ գտնվում են ԻՊ-ի ձեռքերում, նրանց վաճառում են:
Սիրանուշ ՀԱՅՐԱՊԵՏՅԱՆ
