«Տեղյակ չեմ դրա մասին: Դրանց տեղեկություններն ինձ չեն հետաքրքրում, ոչ էլ ուզում եմ խոսել դրա մասին: Շատ բան են խոսում: Հետո՞»,- արձագանքելով Ադրբեջանի կենտրոնական ընտրական հանձնաժողովի քարտուղար Նատիկ Մամեդովի այսօր արած հայտարարությանն, ասաց Լեռնային Ղարաբաղի Հանրապետության ԿԸՀ նախագահի տեղակալ Եղիշե Արզումանյանը:
Հիշեցնենք, որ Նատիկ Մամեդովն ասել էր, որ Լեռնային Ղարաբաղում ապրող հայերը կարող են մասնակցել Ադրբեջանի Միլի Մեջլիսի ընտրություններին, եթե Ադրբեջանի քաղաքացի են, ապրում են այդ երկրի օրենքներով, ինչպես նաեւ չեն ճանաչում Լեռնային Ղարաբաղը:
Aravot.am-ը ԼՂՀ ԿԸՀ նախագահի տեղակալին խնդրեց մեկնաբանել այս հայտարարությունը: Եղիշե Արզումանյանն այսպես արձագանքեց. «Դրանք շատ բան են ասում: Ամեն ինչ հո չենք մեկնաբանելու: Ի՞նչը մեկնաբանենք: Ասել են կարող են մասնակցել: Շատ բան են ասում: Հետո՞: Ի՞նչ մեկնաբանության մասին կարող է խոսք լինել»:
Աշոտ ԻՍՐԱԵԼՅԱՆ
