Ազգային ժողովի ՀՀԿ խմբակցության պատգամավոր Արտակ Դավթյանը Սահմանադրության նախագծում մի շարք առանձնահատկություններ է տեսել:
Նախագծի դրական կողմերից մեկը, ըստ պատգամավորի, ԱԺ խմբակցությունների դերակատարման բարձրացումն է. «Խմբակցությունն օրենսդրական նախաձեռնությամբ հանդես գալու լիազորություն է ստանում, բարձրացել է նաեւ մշտական հանձնաժողովների դերը»:
Արտակ Դավթյանի խոսքով, դրական առաջընթաց է նաեւ խորհրդարանում ազգային փոքրամասնություններին մանդատներ տրամադրելու դրույթը:
Ըստ նրա, Սահմանադրության նախագծով ԱԺ-ն, որպես կարեւոր մարմին, ներկայացված չէ. «Որպես օրենսդիր մարմին է ներկայացված, այլ ոչ թե որպես կարեւոր մարմին»:
Կարդացեք նաև
Պարոն Դավթյանը պատրաստվում է իր առաջարկությունները ներկայացնել նոր Սահմանադրության վերաբերյալ, իսկ քննադատությանը, թե Սահմանադրական բարեփոխումների հանձնաժողովը հաշվի չի առել ընդդիմադիր ուժերի առաջարկները, ասաց, եթե հաշվի չեն էլ առել, ապա հիմնավոր բացատրությամբ:
Արփինե ՍԻՄՈՆՅԱՆ
