«Լեռնային Ղարաբաղում ապրող հայերը կարող են մասնակցել Ադրբեջանի Միլի Մեջլիսի ընտրություններին»,- այս մասին, ըստ «Взгляд.az »-ի, հայտարարել է Ադրբեջանի կենտրոնական ընտրական հանձնաժողովի քարտուղար Նատիկ Մամեդովը:
Սակայն, նրա խոսքերով, դա վերաբերում է այն հայերին, որոնք ճանաչում են Ադրբեջանի քաղաքացիությունը, ապրում են այդ երկրի օրենքներով, ինչպես նաեւ չեն ճանաչում Լեռնային Ղարաբաղը:
«Պետությունը պարտավոր է ապահովել իր քաղաքացիների իրավունքները, իսկ քաղաքացիները պետք է հարգեն իրենց պետությունը: Եթե հայ քաղաքացիները, որոնք ապրում են Լեռնային Ղարաբաղում, ճանաչում են մեր երկրի օրենքները, ապա, իհարկե, նրանք ունեն ամբողջական իրավունք մասնակցելու Միլի Մեջլիսի ընտրություններին»,- ասել է նա:
Բայց, ըստ Ադրբեջանի ԿԸՀ պաշտոնյայի, դա վերաբերում է այն հայերին, որոնք իսկապես Ադրբեջանի քաղաքացիներ են, ոչ թե նրանց, «որոնք վերջերս են Հայաստանից, Սիրիայից, Լիբանանից եւ ուրիշ պետություններից են եկել այնտեղ ապրելու»:
Կարդացեք նաև
Նատիկ Մամեդովը նշել է, որ ԿԸՀ-ն իր կողմից հետաքրքրված է Լեռնային Ղարաբաղում բնակվող ցանկացած ազգության Ադրբեջանի քաղաքացիների մասնակցությունը ապահովել խորհրդարանական ընտրություններում:
Պատրաստեց Աշոտ ԻՍՐԱԵԼՅԱՆԸ
