«Այո, ես եւ Ալեքսանդր Սիրունյաննն իսկապես հաշտություն ենք կնքել, որովհետեւ տեղի ունեցածը պիտի համարել թյուրիմացության»,-Aravot.am-ի հետ զրույցում ասաց ԱԻՄ առաջնորդ Պարույր Հայրիկյանը:
Հիշեցնենք, 2013 թվականի նախագահի թեկնածու Պարույր Հայրիկյանի դեմ մահափորձի համար ձերբակալված մեկ այլ նախագահի թեկնածու`Վարդան Սեդրակյանի փաստաբան Ալեքսանդր Սիրունյանը հայց էր ներկայացրել Պարույր Հայրիկյանի դեմ, քանի որ ասուլիսներից մեկի ժամանակ ԱԻՄ առաջնորդը փաստաբանին անվանել էր «տականք, ստոր արարած, բոլշեւիկի ծնունդ»: Սիրունյանը պահանջում էր պարտավորեցնել Պարույր Հայրիկյանին հեռուստատեսությամբ ներողություն խնդրել իրենից, ինչպես նաեւ փոխհատուցել 1 մլն դրամ:
Կողմերն օրերս հաշտություն են կնքել, փաստաբանն էլ հրաժարվել է դրամական պահանջից:
«Բոլոր նրանք, ովքեր հայտարարում էին, որ մահափորձ չի եղել, չեն հասկանում, որ ՀՀ բարձր ղեկավարությունից սկսած, բժիշկներով ավարտած, համարում էին ստախոս: Ինձ նույնպես: Դա, իսկապես, կարելի էր ամենախիստ բառերով գնահատել, ինչը ես արել եմ: Բայց խոսքը երբեք ուղղված չի եղել որեւէ անհատի, այլ երեւույթին»,- ասաց Պարույր Հայրիկյանը` հավելելով, որ ուրախ է, որ Ալեքսանդր Սիրունյանի հետ խոսելու, իրար հասկանալու, ամեն ինչ ճշտելու հնարավորություն են ունեցել ու եկել են համաձայնության:
Կարդացեք նաև
Այլ մանրամասները` տեսանյութում
Նելլի ԳՐԻԳՈՐՅԱՆ
