«Ստատուս քվոյի պահպանումն անընդունելի է եւ Լեռնային Ղարաբաղի հակամարտության խաղաղ կարգավորումը մնում է Եվրամիության առաջնահերթություններից մեկը: Մենք շարունակում ենք սատարել ԵԱՀԿ Մինսկի խմբի համանախագահների միջնորդական ջանքերին»,- այս մասին Ադրբեջանի նախագահ Իլհամ Ալիեւի հետ համատեղ մամուլի ասուլիսի ընթացքում հայտարարել է Եվրոպական խորհրդի նախագահ Դոնալդ Տուսկը:
Նա նշել է, որ Եվրամիությունը սատարում է Ադրբեջանի տարածքային ամբողջականությանը, անկախությանը եւ ինքնիշխանությանը. «Եվրամիությունն ու անդամ պետությունները չեն ճանաչել Լեռնային Ղարաբաղի անկախությունը»:
Ալիեւի հետ առանձնազրույցի ընթացքում ԵԽ նախագահը նաեւ շեշտել է մարդու իրավունքների եւ հիմնարար ազատությունների կարեւորությունը: Նա նաեւ իր մտահոգություն է հայտնել Ադրբեջանում մարդու իրավունքների պաշտպանների կալանավորումների վերաբերյալ. «Հույս ենք հայտնել, որ արագ գործողություններ կձեռնարկվեն առանձին դեպքերում»:
Դոնալդ Տուսկն ավելացրել է, որ Ադրբեջանն ունի ներուժ դառնալու այս տարածաշրջանում ԵՄ-ի հիմնական առեւտրային գործընկերներից մեկը: «ԵՄ-ն արդեն Ադրբեջանի հիմնական առեւտրային գործընկերն է եւ ամենակարեւոր ներդրողներից մեկը: Մենք կլայնացնենք այս առեւտրային գործընկերությունը մոտակա տարիներին»:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
