Նոր Սահմանադրության նախագծի եւ առաջիկա քաղաքական գործընթացների վերաբերյալ զրուցեցինք «Նոր ժամանակներ» կուսակցության նախագահ Արամ Կարապետյանի հետ:
– Ընդդիմությանը լծակներ տալու մասով կարծես թե առաջընթաց կա։ ԱԺ նախագահի տեղակալը լինելու է ընդդիմադիր խմբակցություններից ընտրված պատգամավոր։
– Հետո ի՞նչ, Հայաստանին ի՞նչ է տալու այն, որ ԱԺ նախագահի տեղակալը ընդդիմադիր է։ Դա ոչ մի ազդեցություն էլ չի ունենալու ու այդ ԱԺ նախագահի ընդդիմադիր տեղակալի պաշտոնը, վերջում վերածվելու է խեղկատակության։
Ընդհանրապես՝ կա երկու ճանապարհ. կա՛մ դու ուզում ես բարեփոխումներ անել ու դրա համար ունես ժողովրդի մանդատը, որը ձեռք ես բերել ընտրությունների ժամանակ, կա՛մ դու խեղկատակություն ես անում, ու հենց դրանով էլ դաշտը բաժանվում է սեւ եւ սպիտակի։
Կարդացեք նաև
Մի բան էլ. շատ են հարցնում ինչի՞ համար է Սերժ Սարգսյանը անում այս փոփոխությունները։ Վերարտադրության մասին արդեն ասացի, շատերն էլ ասում են, որ ցանկանում է բռնապետություն ստեղծել, բայց ես այդպես չեմ կարծում։
Կա եւս երկու հանգամանք։ Միգուցե Սերժ Սարգսյանը դրսում ինչ-որ մարդկանց խոստացել է անցկացնել այդ բարեփոխումները, ու ես այդ մասին ավելի հանգամանալից կխոսեմ սեպտեմբերին, երբ կտեսնեմ գործընթացի ուղղությունները։
Երկրորդ հանգամանքն էլ այն է, որ ժողովրդին շեղեն ռեալ կյանքի խնդիրներից, իսկ ռեալ կյանքը արտագաղթն է, տնտեսության խայտառակ վիճակն է, էլեկտրաէներգիայի 7 դրամի հարցն է, տրանսֆերտների կրճատումն է եւ այլն։
Դիտավորյալ այդ նախագծում հիմարություններ են գրել, որ դնենք քննարկենք, իսկ մյուս հարցերը մնան լուսանցքում։ Սահմանադրական փոփոխությունները կեղծ օրակարգ են:
Մկրտիչ ԿԱՐԱՊԵՏՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
