«Ժամանակի» զրուցակիցն է ԱԺ պատգամավոր Հրանտ Բագրատյանը։
– Իրականում ի՞նչ խնդիր են հետապնդում այդ փոփոխությունները:
– Վստահ եմ, որ նախագծի հեղինակներն էլ են մտածում, որ ներկայացված տարբերակով բարելավում չկա։ Ունենք վատացում։ Եվ հստակ նկատելի է, որ ցանկություն կա ձեւավորելու այնպիսի համակարգ, որի դեպքում ընտրություններն ունեն նվազագույն դեր կամ ընդհանրապես դեր չունեն։ Այս նախագծով մենք ունենք նախագահ, բայց որին այլեւս չենք կարող ընտրել։ Մենք ունենք Ազգային ժողով, որը հիմնականում չի ընտրվում ուղղակի, համընդհանուր, ազատ եւ գաղտնի քվեարկությամբ, դրա մի մասն առաջնային մանդատ ունի, մյուսը մասը՝ ոչ։ Մենք չունենք իրար հակակշռող առաջնային մանդատ ունեցող երկու մարմին։ Հակակշիռների բացակայությունը հանգեցնելու է նրան, որ անդրկուլիսյան, ստվերային կառավարման էլեմենտները բացահայտորեն գերակշռելու են հրապարակային կառավարման սկզբունքների նկատմամբ։
– Այսինքն՝ ժողովուրդը զրկվո՞ւմ է ընտրելու իրավունքից:
Կարդացեք նաև
– Այո՛, այս նախագծով ժողովրդին հիմնականում զրկում են ընտրելու իրավունքից։ ՀՀ-ում դադարում է ընտրական համակարգի միջոցով մարմինների ձեւավորման մեխանիզմը։ Դրանից հետո ճիշտ կլինի խոսել Հայաստանի պետության եւ ոչ Հայաստանի Հանրապետության մասին։ Բայց կարող եմ վստահեցնել, որ այս սահմանադրությամբ այլեւս ընտրակեղծիքների անհրաժեշտություն չի լինի։ Կվերանան ընտրակաշառքները։
Արմինե ԱՎԵՏՅԱՆ
Հոդվածն ամբողջությամբ կարող եք կարդալ «Ժամանակ» թերթի այսօրվա համարում
