Տավուշի մարզի սահմանամերձ Կոթի գյուղում 815 հեկտար ցորենի եւ գարու արտերից ադրբեջանական գնդակոծության պատճառով առանց հնձելու է մնացել 25 հեկտար ցորենի եւ գարու արտ: Այդ մասին տեղեկացանք Կոթի համայնքի ղեկավար Ֆելիքս Մելիքյանից:
Սահմանամերձ, առավել վտանգավոր գոտում գտնվող այդ արտերը պատկանում են Կոթիի 21 ընտանիքի: Հացահատիկահավաք կոմբայնն այդ դաշտերը հնձելու փորձ կատարելու ժամանակ ազերիների կողմից մի քանի անգամ գնդակոծվել է:
Կոթիի գյուղապետից տեղեկացանք, որ Տավուշի մարզպետ Հովիկ Աբովյանը եղել է Կոթիում, քննարկել խնդիրը:
Մարզպետը նշված 25 հեկտար արտի բերքի կորուստը կոթեցիներին փոխհատուցելու համար 10, 5 միլիոն դրամի հատկացման հարցը ներկայացրել է կառավարություն:
Կարդացեք նաև
Ոսկան ՍԱՐԳՍՅԱՆ
