«Նույնիսկ ամենակատարյալ սահմանադրության պարագայում մենք ունենալու ենք նույն խնդիրները, ինչ ունենք հիմա: 32 թվականի Գերմանիայի սահմանադրությունը, եթե հանձնեինք Վենետիկի հանձնաժողովին, նույնպես իրավական կհամարեր: Այսինքն` խնդիրը չի կայանում նրանում, որ այս Սահմանադրությունը, որ ներկայացվում է մեզ, իրավական է, թե՝ ոչ»,- այս մասին անդրադառնալով Սահմանադրական բարեփոխումներին՝ ասաց ՀՔԱ Վանաձորի գրասենյակի ղեկավար, իրավապաշտպան Արթուր Սաքունցը:
Ըստ պարոն Սաքունցի՝ խնդիրն այն է, որ մենք այժմ ունենք միակուսակցական համակարգ: Իրավապաշտպանի խոսքերով՝ այսօր Հայաստանում միայն Հանրապետական կուսակցությունն է, որ ամբողջ Հանրապետությունում մեծամասնություն է կազմում. «Հանրապետական կուսակցության հետ համեմատած՝ նույնիսկ մինչեւ փլուզվելը Բարգավաճ Հայաստանի ունեցվածքը 10 անգամ ավելի փոքր էր»:
Արթուր Սաքունցն ասաց, որ նույնիսկ այս պահին ՀՀԿ-ն ունի առավելություն, եւ ոչ ոք չի կարող հասնել նրան. «Փորձ է արվում այդ մեկ կուսակցական համակարգին տալ իրավական տեսք: Ինքը խորացնելու է ճգնաժամը եւ անելանելի վիճակ է ստեղծելու: Սա է հենց վտանգավորը: Իրավական ճանապարհով փակվում են այս ճգնաժամից դուրս գալու հնարավորությունները»:
Պարոն Սաքունցը կհամաձայներ սահմանադրական բարեփոխումներին, եթե տեսներ, որ դատական համակարգին անկախություն է տրվում, սակայն դա այս փաստաթղթում չկա:
Կարդացեք նաև
Աշոտ ԻՍՐԱԵԼՅԱՆ
