«Ոտքի, Հայաստան» նախաձեռնությունը հուլիսի 17-ին հանրահավաք էր հայտարարել Ազատության հրապարակում: Նախաձեռնության անդամ Անդրիաս Ղուկասյանը հավաքի ընթացքում հայտարարեց, որ հանրային քննարկումների արդյունքում որոշում կայացվեց հիմնադրել «Ոտքի, Հայաստան» շարժումը: Քննարկումների մասնակիցներն էլ ձեւավորվել են շարժման խորհուրդը:
Անդրիաս Ղուկասյանը կարդաց բաց նամակը, որը չորեքշաբթի երթով տարել էին ՀՀԿ գրասենյակ եւ փոխանցել ՀՀԿ նախագահ Սերժ Սարգսյանին:
Խորհրդի անդամ Գագիկ Եղիազարյանը ընդգծեց, որ նամակը ուղղված էր ՀՀԿ նախագահ Սերժ Սարգսյանին, քանի որ Սերժ Սարգսյանը դե ֆակտո հանդիսանում է ՀՀԿ, Շախմատի ֆեդերացիայի, քրեաօլիգարխիկ համակարգի պարագլուխ. «Այս վերջին դեպքում դե յուրե,դե ֆակտո խնդիր չկա, որովհետեւ նա վաղուց կլանի մասն է եղել: Բայց մենք չենք ուզում, որ մեր իշխանությունը լինի քրեաօլիգարխիկ: Նամակը ուղարկված էր դե յուրե ՀՀԿ-ի նախագահ Սերժ Սարգսյանին»:
Նա նշեց, որ եթե ժողովուրդը միավորվի պայքարի, շատ կարճ ժամանակում ամեն մեկին, որը կփորձի ժողովրդի իրավունքները ոտնահարի, իր տեղը ցույց կտան:
Կարդացեք նաև
Ամի ՉԻՉԱԿՅԱՆ
