ԽՍՀՄ առաջին նախագահ Միխայիլ Գորբաչովը մասամբ կաթվածահար է եղել: Բժիշկների խոսքերով՝ նրա վիճակը գնահատվում է կայուն, սակայն հնարավոր է բացասական զարգացում: Այս պահին Գորբաչովը գտնվում է լավագույն հիվանդանոցներից մեկում. հաղորդում է «Lifenews»-ը:
Կայքի աղբյուրները փոխանցել են, որ գրեթե ամեն օր առավոտյան Գորբաչովը գնում է հիվանդանոց եւ ամբողջ օրը մնում է իր սենյակում, որտեղ կատարվում են անհրաժեշտ պրոցեդուրաները: Երեկոյան վերադառնում է տուն:
Միխայիլ Գորբաչովը «Lifenews»-ի հետ զրույցում ասել է, որ հիվանդության պատճառով իր մոտ նկատվել են շարժման հետ կապված խնդիրներ: Նա հրաժարվել է մանրամասներ հաղորդել իր ախտորոշումից:
«Բժիշկներն ամեն ինչ անում են, որ ես լավանամ, սակայն առաջընթացն այժմ շատ չնչին է: Ես չեմ կարողանում շարժվել, ես շատ եմ ուզում կրկին քայլել»,- ասել է ԽՍՀՄ առաջին նախագահը:
Կարդացեք նաև
Գորբաչովի օգնականն իր հերթին հայտարարել է, որ դա ուղղակի Միխայիլ Սերգեեւիչի կատակն է: Մասնագետները պնդում են, որ շարժական ապարատի եւ խոսելու հետ կապված խնդիրները կարող են ինսուլտի արդյունք լինել:
Նույնիսկ բժշկության ամենավերջին տեխնոլոգիաները կիրառելիս, ինսուլտի ենթարկված մարդկանց մոտ հետեւանքները կարող են շատ լուրջ լինել:
Պատրաստեց Աշոտ ԻՍՐԱԵԼՅԱՆԸ
