«Այդ հարցի վերաբերյալ այլևս որևէ լուրջ հակափաստարկ չկա և երեկ էլ ՀՀԿ խորհրդի նիստում այն քննարկվել է: Կառավարությունն իրականացնելու է զինված ուժերի ղեկավարումը խաղաղ պայմաններում, իսկ պատերազմի ժամանակ հրամանատարությունն անցնում է վարչապետին»,- այսօր լրագրողների հետ հանդիպման ժամանակ ասաց Սահմանադրական բարեփոխումների մասնագիտական հանձնաժողովի անդամ Վարդան Պողոսյանը՝ ներկայացնելով Սահմանադրական բարեփոխումների նախագծի մանրամասները:
Նոր Սահմանադրությամբ` ԶՈՒ գլխավոր շտաբի պետն է ամենաբարձր պաշտոնյան համակարգում:
Հանձնաժողովի անդամ Հրայր Թովմասյանն էլ ասաց, որ այն համակարգը, որ ամրագրվում է Սահմանադրության նախագծում, ավելի կայուն է, քան գործող համակարգը. «Այն քաղաքական ուժը, որը ձևավորել է իշխանությունը, նա էլ պատասխանատու է երկրի անվտանգության համակարգի համար»:
Նելլի ԳՐԻԳՈՐՅԱՆ
