Սահմանադրության փոփոխությունների ներկայացված նախագծի շուրջ առայժմ կարծես ավելի շուտ զուտ քաղաքական հայտարարություններ են հնչում:
Ավելի ճիշտ, ընդդիմադիր առանձին ուժեր եւ նրանց հարող շրջանակները կրկնում են նախքան այս նախագծի պատրաստ լինելը իրենց առաջ քաշած տեսակետը, թե փոփոխությունները միայն իշխանության վերարտադրության նպատակ են հետապնդում: Ըստ այդմ, հիշյալ շրջանակները անգամ հարկ չեն համարում անդրադառնալ ներկայացված նախագծի բովանդակությանը:
Այնինչ, կարծում ենք, էականը հենց բովանդակությունն է: Առավել եւս կարեւոր է քննարկել, թե կոնկրետ ինչ է առաջարկվում, քանզի եթե ներկայացված տեքստը դրվի հանրաքվեի եւ ընդունվի, ապա այդ նոր սահմանադրության դրույթներն անխուսափելիորեն իրենց անդրադարձն են ունենալու երկրի ընդհանուր կյանքի վրա, իսկ հասարակական-քաղաքական հարաբերությունների վրա ազդելու են անմիջականորեն:
Ինչ վերաբերում է «վերարտադրության» մասին արդեն բավականաչափ ծեծված խոսակցություններին, ապա թերեւս պետք է ենթադրել, որ նման մոտեցում ունեցող առանձին ընդդիմադիր շրջանակներ հիմիկվանից արդեն վստահ, ավելին՝ համոզված են, որ իրենք ընտրություններում միայն պարտվելու են, ըստ որում՝ մշտապես:
Կարդացեք նաև
Սա այն դեպքում, երբ խորհրդարանական հերթական ընտրությունները երկու տարի անց՝ 2017-ին են լինելու:
Արմեն ՀԱԿՈԲՅԱՆ
Հոդվածն ամբողջությամբ՝ «Հայոց աշխարհ» թերթի այսօրվա համարում
