ՀՀ տնտեսական մրցակցության պաշտպանության պետական հանձնաժողովի նախագահ Արտակ Շաբոյանին հնարավոր չէ համոզել, ու եթե որեւէ ապրանքի միջազգային գինը կտրուկ նվազում է, ապա նույն ապրանքը Հայաստանում նույնպես պետք է էժանանա։
– Պարոն Շաբոյան, աշխարհում պարենամթերքի գինը նվազել է 22 տոկոսով։ Դա FAO-ի տվյալներն են։ Իսկ Հայաստանում պարենամթերքը թանկացել է: Ինչպե՞ս կբացատրեք դա։
– Ես չգիտեմ ինչ նկատի ունեք՝ որ պարենամթերքը, որ ժամանակահատվածում, պարենամթերքի որ տեսակները…
Շաբոյանի այս արձագանքը առնվազն ուշագրավ է։ Խնդիրն այն է, որ եթե FAO-ն (Պարենի միջազգային կազմակերպություն) հայտարարում է, որ պարենամթերքը այսքան տոկոսով էժանացել է կամ թանկացել է, ապա նկատի ունի մթերքների ճիշտ այն խումբը, որը որպես «պարենամթերք» հասկանում են նաեւ մեր համապատասխան գերատեսչությունները։ Խոսքը ՀՀ ազգային վիճակագրական ծառայության եւ ՀՀ կենտրոնական բանկի մասին է։ ԱՎԾ-ն ուսումնասիրում եւ հրապարակում է սպառողական գները Հայաստանում, իսկ ԿԲ-ն, հիմք ընդունելով FAO–ի զեկույցները ե տեղական գների վերաբերյալ ԱՎԾ-ի հրապարակումները, իրականացնում է դրամավարկային քաղաքականություն։ Այլ կերպ ասած՝ FAO-ի եւ ԱՎԾ-ի մոտեցումները «պարենամթերք» հասկացողության նկատմամբ ներդաշնակեցված են, եւ դրա վերաբերյալ Հայաստանը միջազգային համաձայնագրեր ունի ստորագրած։
Կարդացեք նաև
Բայց անսալով պարոն Շաբոյանի հորդորին՝ փորձեցինք ներկայացնել մեր պատկերացումները «պարենամթերք» հասկացության վերաբերյալ։
– Օրինակ՝ կաթնամթերքը, հացամթերքը, ձեթը, շաքարը..
– Մեթոդաբանորեն ճիշտ հարցադրումներ չեք կատարում։ Շատ ընդհանուր եք ասում, եւ որպեսզի ձեր հարցերին մենք պատասխանենք, խնդրում ենք կոնկրետ ձեւակերպեք, կոնկրետ, առարկայական…
– Շատ կոնկրետ, պարոն Շաբոյան։ Ինչո՞վ է պայմանավորված այն հանգամանքը, որ աշխարհում շաքարավազը մի տարվա ընթացքում էժանացել է ավելի քան 25 տոկոսով, իսկ Հայաստանում թանկացել է…
– Ուրեմն պետք է կոնկրետ ժամանակահատված նշեք, ի՞նչ գին նկատի ունեք, կոնկրետ փաստերով ներկայացրեք…
Հայկ ԳԵՎՈՐԳՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
Շաբոյանները եւ մեր իշխանությունները հենց միայն դա կարող են անել եւ ուրիշ ոչինչ…