Նաիրիտցիներն այս պահին Կառավարության շենքի մոտ սպասում են վարչապետ Հովիկ Աբրահամյանի ու էներգետիկայի եւ բնական պաշարների նախարար Երվանդ Զախարյանի արձագանքին՝ կընդունե՞ն նաիրիտցիներին, թե՞ ոչ:
Քիչ առաջ կառավարության նիստին Զախարյանի այն հայտարարությանը, որ ամբողջական աշխատավարձը կարող են վճարել միայն այս ամսվա վերջում կամ այսօրվանից սկսած՝ մաս-մաս, նաիրիտցիները որոշեցին, որ բոլորով միասին պիտի իրենց աշխատավարձերը ստանան, փուլ առ փուլին համաձայն չեն:
Երեկ հայտարարված անժամկետ նստացույցի մասին էլ Aravot.am-ին նաիրիտցիների համակարգող խմբի անդամ Անուշ Հարությունյանն ասաց. «Նստացույցը կանենք թե չէ՝ կախված է վարչապետի եւ Երվանդ Զախարյանի պատասխաններից»:
Կարդացեք նաև
Aravot.am-ի հետ զրույցում «Նաիրիտի» նախկին աշխատակից մի երիտասարդ ասաց, որ ինքը մի վաշխառուից 500 հազար դրամ տոկոսով գումար է վերցրել ՝ հավատալով կառավարության նախկին խոստմանը, որ աշխատավարձերը պիտի վճարած լինեին, հիմա եւս որեւէ երաշխիք չկա, թե խոստումը կկատարեն:
Ընդհանրապես, նաիրիտցիները շատ վրդովված արձագանքեցին կառավարության նիստում Զախարյանի հայտարարությանը:
Այս պահին կառավարության շենքի մոտ նաիրիտցիները սպասողական վիճակում են:
Մանրամասները՝ տեսանյութում
Նելլի ԲԱԲԱՅԱՆ
