Սահմանադրության նախնական տեքստի հրապարակումից հետո ՀՀԿ-ականները երեկ ընդհատակ էին անցել, միայն ԱԺ պետաիրավական հարցերի հանձնաժողովի նախագահ Հովհաննես Սահակյանը կցկտուր պատասխաններ տվեց եւ խոստացավ մանրամասնել փաստաթղթին ծանոթանալուց հետո։
«Ընտրիչ կարող է լինել ավագանու անդամը, մշակույթի ներկայացուցիչը»,- պարզաբանեց Սահակյանը։ Ասաց նաեւ, որ ընտրիչների ժողովը, ըստ պառլամենտական համակարգերում գործող նորմերի, պետք է ձեւավորվի մեկ անգամ, «որպեսզի ընտրողի պատասխանատվություն չունենա»։
Նախագահն ունենալու է սիմվոլիկ կարգավիճակ եւ, ըստ Սահակյանի, դե ֆակտո մի շարք իրավունքներ չի կարող իրականացնել։ «Օրինակ՝ առողջապահության վերաբերյալ որեւէ օրենք նախագահի ստորագրելուց հետո ուժի մեջ չի կարող մտնել այնքան, քանի դեռ առողջապահության նախարարն այն չի ստորագրել»։
Սահակյանն անդրադարձավ նաեւ խորհրդարանի երկփուլ ընտրության Սահմանադրությամբ ամրագրված նորմին։ «Երկու փուլով անցնելն ինքնին նշանակում է, որ եթե քաղաքական որեւէ ուժ առաջին փուլում մեծամասնություն չի հավաքում, որն անհրաժեշտ է կառավարությունը ձեւավորելու համար, կհայտարարվի երկրորդ փուլ, որպեսզի ձեւավորվի մեծամասնություն, եւ գործի կայուն կառավարման համակարգը,- ասաց նա։- Կարող են ընտրությունների արդյունքով առաջին եւ երկրորդ տեղեր զբաղեցնող ուժերը կոալիցիա կազմել մեկ կամ մի քանի ուժերի հետ, կրկին մեծամասնություն ձեւավորել, եւ չհայտարարվի երկրորդ փուլ։ Ընդ որում՝ կարելի է նաեւ նախընտրական կոալիցիաներ կազմել։ Բայց սրանք ընդամենը գաղափարներ են, որոնք քննարկվել են, հետագայում ավելի մանրամասն կքննարկվի Ընտրական օրենսգրքում եւ այլ օրենքներում։ Իսկ վերջնական եզրակացություն կլինի հանրության հետ լայն քննարկումներից հետո»:
Կարդացեք նաև
Լուսինե ՇԱՀՎԵՐԴՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
