«Երկիր Մեդիա» հեռուստաընկերության «Երկրի հարցը» հաղորդաշարի հուլիսի 14-ի թողարկման ընթացքում ՀՅԴ խմբակցության պատգամավոր Արծվիկ Մինասյանն անդրադառնալով մամուլում շրջանառվող այն լուրերին, թե ինքը արդարադատության նախարարի թափուր պաշտոնի համար թեկնածուներից մեկն է՝ ասաց. ««Նախ ես կարծում եմ՝ պատիվ պետք է համարի յուրաքանչյուր քաղաքացի նման կարգավիճակի մասին՝ որպես թեկնածու հանդես գալու: Բայց այս դեպքում իրականությանը չի համապատասխանում այս տեղեկատվությունը, առ գոնե այս պահը:
Ինչո՞ւ, որովհետեւ ՀՅԴ-ն գործող ԱԺ-ում համարվում է ընդդիմադիր խմբակցություն եւ նույն օրենքի շրջանակներում եթե կուսակցության որեւէ անդամ հանդիսանում է կառավարության անդամ, այդ խմբակցությունը դադարում է լինել ընդդիմադիր:
Առ այս պահը մեր կուսակցությունում նման հարց չի քննարկվել եւ երկրորդ՝ որեւէ առաջարկ նման մենք չենք ստացել»:
