Սահմանադրական բարեփոխումների արդյունքում նախատեսվում է անցում կատարել 100 տոկոս համամասնական համակարգին, իսկ հիմնական շեշտը դրվելու է ԱԺ ընտրությունների վրա: Այս մասին NEWS.am-ի թղթակցի հետ զրույցում ասաց ՍԴ բարեփոխումների մասնագիտական հանձնաժողովի անդամ, ԵՊՀ իրավագիտության ֆակուլտետի դեկան Գագիկ Ղազինյանը: Նա նշեց, որ այդ հարցին կանդրադառնան նիստից հետո:
Ընտրություններին հաղթած քաղաքական ուժը ունենալու է մեծամասնություն, ներկայացնելու է իր թեկնածուին, ով էլ պետք է նշանակվի վարչապետ: Գագիկ Ղազինյանը շեշտեց, որ խորհրդարանական կառավարման ձեւին անցնելիս պետք է բարելավել քաղաքական դաշտը, ինչը նշանակում է՝ համամասնական ընտրակարգ, ցուցակներ, գաղափարախոսություն եւ այլն:
Մեկնաբանելով ԱԺ անցնելիս կուսակցությունների համար անհրաժեշտ 5 տոկոս ձայների շեմը բարձրացնելու մասին խոսակցությունները՝ հանձնաժողովի անդամն ասաց, որ սահմանադրությունը այդքան չի մանրանա, շատ բաներ կորոշվեն «Ընտրական օրենսգրքով», իրենք, անշուշտ, լուծումներ կառաջարկեն:
Մանրամասներին կարող եք ծանոթանալ NEWS.am-ի կայքում
