Այսօր, «Պոստ Սկրիպտում» մամուլի ակումբում «Աքիլլես» ավտովարորդների պաշտպանության հ/կ-ի նախագահ Էդուարդ Հովհաննիսյանը խոսելով նոր հայտարարության, այն է՝ Վարդավառի տոնին շարժական արագաչափերի կիրառումը՝ սահմանափակել արագության գերազանցման փորձերը կանխելու միջոցների մասին՝ ասաց. «Մեզ համար մի քիչ տարօրինակ է, թե ինչո՞ւ պետք է 400 ճանապարհապարեկային մեքենաների մեջ տեղադրված արագաչափը գումարվի եւս մեկով, որը փաստորեն պետք է նույն գործողությունը անի ինչ որ այն արագաչափը, որը տեղադրված է մեքենաների մեջ»:
Տեխնիկական մասի մասին խոսելիս պարոն Հովհաննիսյանը նշեց, որ այդ շարժական տեսախցիկներն այն սարքերը չեն, ինչ որ ճանապարհային տեսուչը մեքենան ընթացի մեջ կարող է արագություն չափել՝ համընթաց եւ հանդիպակաց: «Այս սարքը մի քիչ ժամանակ է պահանջում աշխատելու համար մինչեւ խախտումը արձանագրի՝ արագությունը գերազանցելու»,-ասաց պարոն Հովհաննիսյանը: Նա այս նոր տեսախցիկների օգուտների եւ վնասների մասին դատողություններ այս պահին չկարողացավ ներկայացնել:
Իսկ ասուլիսի մեկ այլ մասնակից՝ իրավաբան Արմինե Մկրտչյանը նշեց, որ ներկա դրությամբ Ճանապարհային ոստիկանությունը կանխում է տեսուչների միջոցով, իսկ կանխարգելումը իրականացնում է անշարժ արագաչափերով: «Իմ կարծիքով՝ տարբերանշան չունեցող սարքերի տեղադրումը, վարորդներին նախօրոք չզգուշացնել նախապես տեղադրման վայրի մասին՝ նպատակն է մանիպուլացնել մարդկանց եւ ստիպել, որ հանկարծակիի գան եւ լինեն անելանելի իրավիճակում: Այնուամենայնիվ տեսուչների մեքենաները եթե հսկողություն իրականացնեն այդ տարածքում, առավել զգոնություն եւ սթափություն կմտցնեն մարդկանց մեջ, քան այս սարքերը, որոնք չես կարող ասել, ճանապարհի որ հատվածում կարող են հայտնվել»,-նշեց իրավաբանը:
Անուշ ՄԱԹԵՎՈՍՅԱՆ
Կարդացեք նաև
