Հուլիսի 6-ին ԱԺ պաշտպանության, ազգային անվտանգության, ներքին գործերի եւ սոցիալական հարցերի մշտական հանձնաժողովները կազմակերպել են քննարկում զինծառայողների եւ նրանց ընտանիքների անդամների սոցիալական ապահովության հարցերի շուրջ:
Քննարկմանը մասնակցել են ԱԺ պատգամավորներ, ՀՀ աշխատանքի եւ սոցիալական հարցերի նախարար Արտեմ Ասատրյանը, պաշպանության նախարարի տեղակալ Արա Նազարյանը, առողջապահության նախարարի տեղակալ Վահան Պողոսյանը եւ լիազոր մարմինների ներկայացուցիչներ:
Քննարկվել են զինծառայողների եւ նրանց ընտանիքների անդամների կենսաթոշակային ապահովության, դրամական օգնության եւ պարգեւավճարների, բնակարանային ապահովության, բժշկական սպասարկման եւ սոցիալական պաշտպանությանը վերաբերող մի շարք հարցեր: ԱԺ վերոնշյալ հանձնաժողովներն ու համապատասխան նախարարությունների ներկայացուցիչները պայմանավորվել են համատեղ աշխատել հայեցակարգային նոր մոտեցումների եւ ոլորտի օրենսդրության կատարելագործման ուղղությամբ:
ՀՀ ԱԺ
