«Ատկատներ» էին պահանջում Ավստրիական ավիաուղիներից թռիչքները թույլ տալու համար»,-«Ինչու՞ են ավիաընկերությունները հեռանում Հայաստանից» թեմայով քննարկմանը «Մեդիա կենտրոնում» հայտարարեց ՀՀ Կառավարությանն առընթեր քաղաքացիական ավիացիայի գլխավոր վարչության նախկին պետ Շահեն Պետրոսյանը: Ըստ նրա` այդ երևույթի պատճառները թե՛ քաղաքական են, թե՛ տնտեսական: Նա մանրամասնեց. «Հայաստանը հիմա վասալային վիճակում է, և ամբողջ շուկան տրվել է Ռուսաստանին: Բաց երկնքի քաղաքականություն կոչեցյալը բլեֆ է. նման բան գոյություն չունի: Մեր երկինքը երբևէ փակ չի եղել, միակ փակ ժամանակը եղել է մինչև 1995-ը, երբ Թուրքիան միակողմանի շրջափակման էր ենթարկել ՀՀ ավիատարածքը»:
Պարոն Պետրոսյանը մտահոգություն հայտնեց, որ ստեղծված իրավիճակում Հայաստանը վերածվել Բուրկինա Ֆասոոյի մակարդակի երկրի: Քաղաքագետ Արմեն Գրիգորյանը նկատեց, որ խնդիրը շարունակում է մնալ քաղաքական. «10 հազար դրամի օդի հարկը կարող էին հանել, եթե ազատականացնելու հարց կար: Դա քաղաքական կամքի խնդիր է: Վրաստանի բաց օդի քաղաքականությունը բարձր արդյունքներ է տվել: 2005-ին նրանք սկսեցին ու 2011-ին հոսքը կրկնապատկվեց»:
Մյուս կողմից Արմեն Գրիգորյանը կարծում է, որ եթե սկսեն բարենպաստ պայմաններ ստեղծել, ավիաընկերությունները հերթ են կանգնելու»: Հարցին` արդյոք միտումնավո՞ր ստեղծվեց այնպիսի իրավիճակ, որ ՀՀ-ից տարբեր ավիաընկերություններ հեռանան, որպեսզի մենաշնորհային դաշտ ստեղծվի ռուսական ավիաընկերությունների համար, պարոն Պետրոսյանը պատասխանեց. «Այս իշխանությունները դրածոներ են: Նժդեհի մասունքները գերեզմանում հիմա շուռ են եկել: Աերոֆլոտն ուղղակի օգտվեց բաց երկնքի քաղաքականությունից և սկսեց այն, որ ռուսական բոլոր ընկերությունները սկսեցին դեմպինգային քաղաքականությունը և դուրս մղեցին եվրոպականներին: «էյր Արմենիան» անմիջապես սնանկացավ, քանի որ չդիմացավ այդ դեմպինգային քաղաքականությանը, որ տանում էին ռուսական ընկերությունները, ու հիմա «Էյր Արմենիան» մեծ պարտքերի տակ է: Ինչ վերաբերում է չեխական ավիաընկերության հրաժարումին, ապա դա ունի քաղաքական նշանակություն»:
Երկու բանախոսներն էլ կարծում են, որ ազգային ավիափոխադրող ունենալու համար ՀՀ-ն շանսեր ունի, սակայն դա քաղաքական կամքի հարց է:
Կարդացեք նաև
Լուսանկարը՝ «Մեդիա կենտրոն»-ի
Տաթև ՀԱՐՈՒԹՅՈՒՆՅԱՆ
կատարյալ հերյուրանք է: