Վերջերս տվյալներ էին հրապարակել, որ պարենի համաշխարհային գները վերջին մեկ տարվա ընթացքում նվազել են 20,7 անգամ, իսկ Հայաստանում՝ 10 անգամ աճել են: Այսօր «Հայացք» մամուլի ակումբում լրագրողները ԱՎԾ գների վիճակագրության բաժնի պետ Գուրգեն Մարտիրոսյանից հետաքրքրվեցին`իրականությանը համապատասխանո՞ւմ են այդ տվյալները:
ԱՎԾ ներկայացուցիչը նշեց, որ դա Հայաստանի ԱՎԾ-ի տվյալները չեն, և ինքը չի կարող ներկայացնել այդ վիճակագրության պատճառահետևանքային կապերը: Հարցին, իսկ Հայաստանի ԱՎԾ-ն ունի՞ արդյոք համադրություն համաշխարհային գների հետ, Գուրգեն Մարտիրոսյանը նշեց, որ Հայաստանի ԱՎԾ-ն ունի համադրելի ցուցանիշներ միայն 2011թ համար, իսկ հետագա տարիների համար տվյալներ կարող են ունենալ միայն մեկ տարի հետո:
Ի դեպ, վերջին տասն օրում Հայաստանում գնաճ է արձանագրվել բենզինի եւ դիզվառելիքի գծով, համապատասխանաբար, 1,9 տոկոս եւ 1,8 տոկոս:
Նելլի ԳՐԻԳՈՐՅԱՆ
