Երեւանի Կոմիտասի անվան պետական կոնսերվատորիայի վոկալ բաժնի մագիստրատուրայի 2-րդ կուրսի ուսանողուհի Մանե Գալոյանի համար (պրոֆեսոր Սուսաննա Մարտիրոսյանի դասարան) վերջերս Չայկովսկու անվան հեղինակավոր մրցույթում տարած հաղթանակը (3-րդ մրցանակ, բրոնզե մեդալ, $10.000) միայն այս տարի երրորդն էր:
«Առավոտի» հետ հանդիպման ժամանակ երգչուհին նշեց, թե միջազգային մրցույթների մասնակցել է դեռեւս կոնսերվատորիայի առաջին կուրսում ուսանելիս: Իսկ հանրապետականին մեկ անգամ՝ 2013թ., նրան շնորհվել է ՀՀ նախագահի երիտասարդական մրցանակ: Մեր զրուցակիցը հավաստիացրեց, որ չորս տարին մեկ անցկացվող Չայկովսկու անվան նախորդ մրցույթին հետեւել է online ու ինքն իրեն ասել՝ պետք է մասնակցեմ ու հաղթեմ: Ժպտալով հավելեց. «Գրան պրի կամ առաջին մրցանակ չստացա, բայց…»:
Դիտարկմանը՝ Երեւանի օպերային թատրոնում, կարծում ենք, խնդիր չի լինի դերերգ ստանալը, եւ հավանաբար ինքն էլ բոլոր սոպրանոների օրինակով կսկսի կարիերան Անուշի դերերգով, Մանե Գալոյանը պատասխանեց. «Անուշով չեմ սկսի: Դա ինձ համար չէ… Կուզեի երգել, օրինակ, Մանոն՝ Մասնեի համանուն օպերայում…»:
ՍԱՄՎԵԼ ԴԱՆԻԵԼՅԱՆ
«Առավոտ» օրաթերթ
08.07.2015
Շնորհավոր: